Пайвандҳои дастрасӣ

logo-print

Талоши Ироқ барои монеъ шудан ба ҳамла


Як ҳайъати давлати Ироқ имрӯз ба хотири роҳ надодан ба амалиёти васеъи артиши Туркия ба зидди ҷудоихоҳони курд дар хоки Ироқ бо мақомоти турк гуфтугу кард. Сухангӯи вазорати дифоъи Туркия гуфт, дар ин музокирот баъзе "натиҷаҳои мусбат" ҳосил шудааст. Пеш аз сафари вазири дифоъи Ироқ ба Туркия раҳбарони Анкара гуфтанд, ки дигар ҳамлаҳои ҷудоихоҳони Ҳизби Коргарони Курдистони Туркияро таҳҳамул нахоҳанд кард, ки дар шимоли Ироқ паноҳ мебаранд.

Ҳамзамон бо идомаи гуфтугуҳо миёни мақомоти ду кишвар чархболҳои Туркия сарбозони изофиро ба марзи Ироқ интиқол доданд, ки то кунун артиши Туркия дар онҷо беш 100 ҳазор нафар сарбозро ҷойгир кардааст.
XS
SM
MD
LG