Пайвандҳои дастрасӣ

Порлумони Туркия барои амалиёт дар Ироқ раъй дод


Артиши турк дар сарҳад бо Ироқ

Артиши турк дар сарҳад бо Ироқ

Парлумони Туркия чанд лаҳза пеш артиши ин кишварро барои шурӯъи амалиёти низомӣ дар марзҳои шимолии Ироқ иҷоза дод.

Туркия мегӯяд, ки ният дорад, барои муқобила бо пойгоҳҳои низомии шӯришиёни Ҳизби коргарии Курдистон ин амалиётро анҷом диҳад.

Барои пазириши ин тасмим 507 нафар раъйи мувофиқ дода 19 нафар мухолифат кардаанд.

Раисҷумҳури Амрико Ҷорҷ Буш гуфт, ки ИМА ба Туркия мушаххасан гуфтааст, ки ирсоли шумори зиёди нирӯҳо ба Ироқ ба манфиати Анкара буда наметонад.

Дар ҳамин ҳол, чанд лаҳза пеш аз раъйдиҳии парлумони Туркия, Ҷалоли Толибонӣ, раисҷумҳури курдтабори Ироқ аз Париж гуфт, ки Бағдод омода аст, бо мақомоти Анкара дар ин замина ҳамкорӣ кунад.

Аммо Толибонӣ аз Туркия тақозо кард, ки даст ба амалиёти низомӣ назанад.

Қабл аз раъйдиҳии парлумони Туркия, НАТО аз Анкара хост, ки аз ин иқдом даст кашад.

XS
SM
MD
LG