Пайвандҳои дастрасӣ

Хабари нав

Пирӯзии дастаи футболи занонаи Хатлон


Дар ин мусобиқа, ки бо ибтикори Федеросиюни футболи Тоҷикистон баргузор шуд, занони футболбози тоҷик дар ҳайати чаҳор даста ширкат карданд. Дастаи мунтахаби вилояти Хатлон бо 9 имтиёз дар ҷойи аввал қарор гирифт.

Тими ғолиб дар нахустин дидори худ бар дастаи Душанбе-2 бо натиҷаи 5 бар 0 пирӯз шуда, дар бозии дуввум дастаи Душанбе-1-ро бо натиҷаи 4 бар 0 шикаст дод ва бо ҳамин ҳисоб дар даври охирин бар дастаи «Регар»-и шаҳри Турсунзода ғолиб омад.

Дастаи « Регар», ки бар тимҳои Душанбе-1 ва Душанбе-2 бо натиҷаи якхелаи 2 бар 0 ғалаба кард, бо 6 имтиёз ҷойи дуввумро касб намуд.

Дастаи Душанбе-1, ки танҳо бар тими Душанбе-2 бо натиҷаи 1 бар 0 пирӯз гаштааст, бо 3 имтиёз севвум шуд.



Имрӯз дар шаҳри Душанбе мусобиқаи ҷумҳуриявӣ оид ба варзишҳои бостонии зӯрхонаӣ бахшида ба ҷашни 10-солагии Рӯзи Ваҳдати миллӣ шурӯъ шуд.

Дар рақобатҳои инфиродӣ, ки тӯли ду рӯз идома хоҳанд кард, беҳтарин варзишгарони кишвар ширкат доранд.
XS
SM
MD
LG