Укроин ва Лаҳистон мизбонони мусобиқот барои дарёфти ҷоми Аврупо оид ба футбол дар соли 2012 интихоб шуданд. Кумитаи иҷроияи УЕФА - федератсиюни футболи Аврупо рӯзи гузашта дар Кардиффи Инглистон чунин тасмим гирифт. Маросими ифтитоҳи мусобиқоти ЕВРО - 2012 дар шаҳри Варшава ва бозии ниҳоии он дар Киев баргузор мешавад. Ба ҷуз Укроин ва Лаҳистон, инчунин Итолиё ва Хорватияву Маҷористон низ муддаъии мизбонии Ҷоми Аврупо дар соли 2012 буданд.