Пайвандҳои дастрасӣ

logo-print

Токио? Рио? Прага ё Боку?


Пойтахти Озарбойҷон, Боку, эълон кардааст, ки мехоҳад, мизбони Бозиҳои олимпии тобистонаи соли 2016 бошад. Ин нукта имрӯз аз тарафи раиси ҷумҳури Озарбойҷон Илҳом Алиев ҳангоми ифтитоҳи муҷтамаъи варзиш дар шаҳри Масаллӣ, ҷануби Боку садо дод. Вай гуфт, кишвараш расман ин пешниҳодро дар миён хоҳад гузошт. Дар расми ифтитоҳ раиси Кумитаи Олимпии Аврупо Потрик Ҳайки низ ширкат дошт. Шаҳрҳое, ки мехоҳанд, мизбони бозиҳои соли 2016 бошанд, бояд то 15-уми сентябр ба Кумитаи Олимпии Ҷаҳон нома фиристанд. Шаҳри мунтахаб дар соли 2009 эълон хоҳад шуд. То ҳол Токио, Рио де Жанейро ва Прага расман чунин нома фиристодаанд. Тибқи бархе аз хабарҳо Душанбе орзу дорад, баъд аз иҷрои барномаи "Генплан" (соли иҷро--номаълум) чунин пешниҳодро ба миён гузорад.

Машваратдодашуда

XS
SM
MD
LG