Пайвандҳои дастрасӣ

logo-print

Бритониё ба Афғонистон нерӯҳои иловагӣ мефиристад


Вазири дифоъи Бритониё Дес Бровн гуфт, кишвараш барои муқобила бо таҳоҷуми баҳории Толибон ба Афғонистон 1400 сарбози иловагӣ эъзом хоҳад кард.


Ҳангоми суханронӣ дар порлумон Дес Бровн гуфт, ин тасмим баъд аз он гирифта шуд, ки Бритониё натавонист, дигар кишварҳои узви НАТО-ро барои фиристони нерӯҳои изофӣ ба вилояти Ҳилманд мутақоид кунад. Ҳилманд дар ин авохир шоҳиди ҳамлаҳои зиёди пайкорҷӯёни Толибон шудааст.


Ва ҳамакнун, ба гуфтаи вазири дифоъи Бритониё, теъдоди нерӯҳои ин кишвар дар Афғонистон аз 6300 то ба 7700 нафар хоҳад расид.


Дес Бровн ҳамчунин гуфт, ки нерӯҳои кишвараш то соли 2009 дар Афғонистон хоҳанд монд.
XS
SM
MD
LG