Вакилони Латвия бо вакилони Тоҷикистон ҳамкорӣ мехоҳанд

Дар сейм (порлумон)-и Латвия гурӯҳи кории вакилон дар мавриди ҳамкориҳои порлумонӣ бо Тоҷикистону Туркманистон таъсис ёфт.


Хабаргузориҳои маҳаллии ин кишвар хабар додаанд, ин гурӯҳҳо дар ҷаласаи рӯзи панҷшанбеи сейми Латвия таъсис ёфтаанд.


Раҳбари гурӯҳи ҳамкорӣ бо Тоҷикистон, вакили сейм аз иттиҳодияи "Маркази ризоият" Янис Урбанович таъин шудааст.