Қаҳрамони футболи Тоҷикистон дар понздаҳумин давраи Ҷоми Иттиҳод дар се бозӣ ҳамагӣ як имтиёз ба даст овардааст. «Регар» ТадАЗ дар нахустин дидори худ аз тими «БАТЭ»-и Борислави Белорус бо натиҷаи 0 бар 2 шикаст хӯрда, бозии дуввумашро бо тими «Оқтеппа»-и Актюбински Қазоқистон бо натиҷаи мусовии 0 бар 0 анҷом дод. Бозигарони тоҷик дар даври севвум аз ҳайати дуввуми CSKA-и Маскав бо натиҷаи 2 бар 3 шикаст хӯрданд. Дар ин бозӣ ду голро аз тими «Регар» ТадАЗ ҳамлагарон Аббос Абдуллоев ва Низом Раҳимов ба самар расонданд.
Бад-ин тартиб дар гурӯҳи «А» CSKA бо 7 имтиёз мақоми аввал ва БАТЭ бо 6 имтиёз мақоми дуввумро касб карда, ба марҳилаи дуввум роҳ ёфтанд. Дар бозиҳои чаҳорякниҳоӣ рӯзи чоршанбеи 24 январ CSKA бо тими «Боку»-и Озарбойҷон, ки дар гурӯҳи «В» ҷойи дуввумро соҳиб шуд, рақобат мекунад. «БАТЭ» бо ғолиби гурӯҳи «В» - «Шериф»-и Молдова қувва меозмояд.
Дар ду бозии дигари чаҳорякниҳоӣ «Каунас»-и Литва - ғолиби гурӯҳи «D» бо «Вентспилс»-и Латвия, ки дар гурӯҳи «С» мақоми дуввумро ишғол кардааст ва «Пахтакор»-и Тошканд - ғолиби гурӯҳи «С» бо ОФК-и Сербия - тими дуввуми гурӯҳи «D» зӯрозмоӣ хоҳанд кард.
Чаҳор дастаи ғолиб ба бозиҳои ниманиҳоӣ, ки рӯзи ҷумъаи 26 январ барпо мегарданд, роҳ меёбанд.
Барандаи Ҷоми иттиҳод-2007 дар бозии ниҳоӣ, ки рӯзи якшанбеи 28 январ дар маҷмаъаи варзишии «Олимпийский»-и Маскав баргузор мешавад, муайян хоҳад шуд.
Бад-ин тартиб дар гурӯҳи «А» CSKA бо 7 имтиёз мақоми аввал ва БАТЭ бо 6 имтиёз мақоми дуввумро касб карда, ба марҳилаи дуввум роҳ ёфтанд. Дар бозиҳои чаҳорякниҳоӣ рӯзи чоршанбеи 24 январ CSKA бо тими «Боку»-и Озарбойҷон, ки дар гурӯҳи «В» ҷойи дуввумро соҳиб шуд, рақобат мекунад. «БАТЭ» бо ғолиби гурӯҳи «В» - «Шериф»-и Молдова қувва меозмояд.
Дар ду бозии дигари чаҳорякниҳоӣ «Каунас»-и Литва - ғолиби гурӯҳи «D» бо «Вентспилс»-и Латвия, ки дар гурӯҳи «С» мақоми дуввумро ишғол кардааст ва «Пахтакор»-и Тошканд - ғолиби гурӯҳи «С» бо ОФК-и Сербия - тими дуввуми гурӯҳи «D» зӯрозмоӣ хоҳанд кард.
Чаҳор дастаи ғолиб ба бозиҳои ниманиҳоӣ, ки рӯзи ҷумъаи 26 январ барпо мегарданд, роҳ меёбанд.
Барандаи Ҷоми иттиҳод-2007 дар бозии ниҳоӣ, ки рӯзи якшанбеи 28 январ дар маҷмаъаи варзишии «Олимпийский»-и Маскав баргузор мешавад, муайян хоҳад шуд.