Пайвандҳои дастрасӣ

Эътирози нобиноён дар назди қасри раиси ҷумҳур


rf

Субҳи рӯзи душанбе, 15 январ ҳудуди 30 нафар нобиноён дар назди бинои қасри раиси ҷумҳури Тоҷикистон дар шаҳри Душанбе ба нишони эътироз ва шикоят аз мушкилоти худ гирд омаданд.


Ин афрод, ки аъзои ҷамъияти нобиноёни ноҳияи Ҳисор будаанд, гуфтанд, ки онҳо назди қасри раиси ҷумҳур ҷиҳати эътироз ва шикоят аз мушкилоти иҷтимоии худ, набуди барқ ва беобӣ, бекорӣ ҷамъ омадаанд.


Бино бар ҳарфи онҳо, дар як шабонарӯз танҳо ду соат барқ доштаанд, ки дар пайи сардӣ ба бемориҳо гирифтор шудаанд. Онҳо гуфтанд, чанде пеш ду нафарашон фавтидааст ва ҳатто барои шустани ҷасадҳо об наёфтаанд.


Афроди гирдомада гуфтанд, дар қасри раиси ҷумҳур ба онҳо гуфтаанд, ки дар рӯзҳои наздик як кумиссиюни вижа таъсис меёбад ва дар пайи ҳалли мушкилоти онҳо хоҳад шуд.
Каюмарси Ато, Душанбе

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG