Пайвандҳои дастрасӣ

Хабари нав

Тадорук барои таъини рӯзи интихоботи раиси ҷумҳури Туркманистон


Имрӯз, 26 декабр дар Ишқобод чун рузи таъини интихоботи раёсатҷумҳурии Туркманистон ва эъломи исми номзадҳои интихоботӣ мебошад.


Чунин тасмимҳо қарор аст, дар нишасти шурои мардумии ин кишвар мавсум ба Халқ Маслиҳатӣ гирифта шаванд.


Рӯзи душанбе (25 декабр) дар як нишасти матбуотӣ намояндаҳои мухолифини Туркманистон изҳор карданд, ки ният доранд барои пешбарии як номазди воҳиди худ дар интихобот талош кунанд. Худойберди Оразов, собиқ раиси бонки миллии Туркманистон ва Нурмуҳаммад Ҳанамов, собиқ сафири Туркманистон дар Туркия бо чунин изҳорот дар пойтахти Украина шаҳри Киев дар баробари хабарнигорон ҳозир шуданд.


Онҳо ният доранд, дар сурати дарёфти кумаки мақомоти Украина, имруз вориди Ишқобод шуда, дар ҷараёни кори шурои мардумӣ иштирок кунанд. Аммо ин дар ҳолест, ки мақомоти амниятӣ аз боздошти билофосилаи онҳо дар хоки Туркманистон ҳушдор додаанд.
XS
SM
MD
LG