Пайвандҳои дастрасӣ

logo-print

«Вахш» ва «ХИМА» ба бозии ниҳоӣ роҳ ёфтанд


Бозиҳои гурӯҳии мусобиқоти ҷумҳуриявӣ оид ба футбол барои дарёфти ҷоизаи Қонуни асосии Тоҷикистон, ки дар шаҳрҳои Душанбе ва Турсунзода баргузор шуд, бо пирӯзии тимҳои "Вахш"-и Қӯрғонтеппа ва "ХИМА"-и Душанбе ба поён расид.

Дар ин мусобиқот даҳ дастаи футболи лигаҳои олӣ ва аввали Тоҷикистон дар ду гурӯҳ рақобат карданд. Ба гурӯҳи «А» СКА «Помир»-и Душанбе, «Вахш»-и Қӯрғонтеппа, «Парвоз»-и Бобоҷон Ғафуров, «Саройкамар»-и Панҷ ва «Гвардия»-и Душанбе ва ба гурӯҳи «Б» се дастаи шаҳри Турсунзода - «Регар-ТадАЗ» - 1, «Регар» ТадАЗ - 2 ва «Динамо» ТадАЗ, ҳамчунин «ХИМА»-и Душанбе ва «Тоҷиктелеком»-и Қӯрғонтеппа дохил буданд.
Мавқеъи дастаҳо дар гурӯҳҳо ба таври зайл аст:
гурӯҳи «А»
Б Ғ М Б Т И
1.Вахш» 4 3 1 0 9-2 10
2. «СКА «Помир» 4 2 1 1 10-7 7

3. «Парвоз» 4 2 0 2 8-8 6
4. «Саройкамар» 4 2 0 2 8-8 6
5. «Гвардия» 4 0 0 4 4-14 0

гурӯҳи «Б»
Б Ғ М Б Т И
1. «ХИМА» 4 4 0 0 20-3 12
2. «Регар» ТадАЗ-1 4 3 0 1 19-5 9

3. «Тоҷиктелеком» 4 2 0 2 9-8 6
4. «Динамо» ТадАЗ 4 1 0 3 8-13 3
5. «Регар» ТадАЗ-2 4 0 0 4 5-32 0

Бар асоси низомномаи мусобиқот ғолибони ҳарду гурӯҳ - «Вахш ва «ХИМА» дар бозии ниҳоӣ байни худ рақобат мекунанд.
Дастаҳое, ки дар гурӯҳҳо дар мақоми дуввум қарор гирифтаанд - СКА «Помир» ва «Регар» ТадАЗ-1 барои ҷойи севвум талош меварзанд. Ҳарду бозии ҳалкунанда рӯзи 2 ноябр дар варзишгоҳи CSKA-и Душанбе барпо мешавад.
XS
SM
MD
LG