Пайвандҳои дастрасӣ

Гиромидошти хабарнигорони кушташудаи тоҷик


Вера Кулакова, раиси Анҷумани Медиа Алянс ва дастандаркори лоиҳа мегӯяд:

Дар лавҳа насаби рӯзноманигорон сабт намешавад, зеро имкон ҳаст, ки шояд касеро фаромӯш кунем. Мо намехоҳем нафаре аз қурбониён фаромӯш шавад. Дар ин зимн тасмим гирифтем, дар лавҳа рамзи журналистика- қалам ва дафтар бо зерматни «Гиромидошти журналистони Тоҷикистон» ҳаккокӣ шавад.

Мухтор Боқизода, раиси Хазинаи гиромидошт ва дифоъ аз ҳуқуқи журналистон мегӯяд, ҳадафи аслӣ ва ниҳоии ифтитоҳи лавҳаи ёдбуд, маҳз ҷалби таваҷҷуҳи мақомот ба парвандаҳои қатли беш аз 70 рӯзномганигор аст, ки то ҳанӯз мӯҳри сиррӣ доранд ва қотилони онҳо муҷозот нашудаанд:

Ҳатто парвандаи Муродулло Шерализода, ки аз нахустин қурбониёни даргириҳо буд, бо сабабҳои номаълум қатъ шуд. Шояд бо гузоштани ин лавҳа додситонӣ ва дигар мақомот масъулият ҳис кунанд ва ба куштори бемаънии журналистон таваҷҷӯҳ зоҳир кунанд ва парвандаҳоро мавриди баррасӣ қарор диҳанд

Нуриддин Қаршибоев, раиси Анҷумани расонаҳои мустақили хабарии миллӣ меафзояд, аз 72 журналист, ки дар солҳои навади асри гузашта ҳини даргириҳо ба қатл расидаанд, танҳо қотилони Муҳиддин Олимпур, Сайф Раҳим ва Отахон Латифӣ ба муҷозо кашида шудаанд:

Он қазияҳое, ки баррасӣ нашудаанд ва қотилон ҷазои сазовор нагирифтаанд, бояд ҳатман дар мадди назари ниҳодҳои қудратӣ бошанд, зеро фақат тантанаи адолат боиси рушди озодии баён дар кишвар хоҳад шуд

Маросими пардабардорӣ аз санги ёдбуди хабарнигорони кушташудаи тоҷик рӯзи 27 октябр дар Маҷмаъаи рӯзномаву маҷаллоти Душанбе баргузор хоҳад шуд.
XS
SM
MD
LG