Пайвандҳои дастрасӣ

Ҷоми истиқлолро кӣ мебарад?


Дастаҳои футболи «Вахш»-и Қӯрғонтеппа, «Равшан»-и Кӯлоб, «Регар» ТадАЗ-и Турсунзода ва CSKA-и Душанбе ба давраи нимниҳоӣ барои дарёфти Ҷоми истиқлоли Тоҷикистон роҳ ёфтанд. Дар бозиҳои чаҳорякниҳоӣ «Вахш» дар варзишгоҳи марказии пойтахти Тоҷикистон бар тими «Ориёно»-и Душанбе бо натиҷаи 1 бар 0 ғолиб омад. «Равшан» дар варзишгоҳи ноҳияи Ҳисор бар СКА «Помир»-и Душанбе бо натиҷаи 3 бар 0 ғалаба кард. Ду бозии дигари чаҳорякниҳоӣ дар варзишгоҳи ноҳияи Шаҳринав баргузор шуд. «Регар» ТадАЗ тими «Хуҷанд»-и Хуҷандро бо натиҷаи 3 бар 1 ва CSKA дастаи «Гумрук»-и Душанберо бо натиҷаи 4 бар 1 шикаст доданд. Ба ин тартиб, дар бозиҳои нимниҳоӣ рӯзи шанбеи 8 апрел дар варзишгоҳи ноҳияи Шаҳринав, панҷоҳкилометрии ғарби Душанбе «Вахш» бо «Регар» ТадАЗ ва «Равшан» бо CSKA рақобат мекунанд.
Нарзуллоҳи Латиф

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG