Пайвандҳои дастрасӣ

Селаи мурғони мурда дар боми Душанбе


Аз хабаргузориҳо Хабаргузориҳо мегӯянд, дар боми яке аз биноҳои нӯҳошёнаи пойтахти Тоҷикистон лошаи даҳҳо кабӯтар пайдо шудааст ва Маркази уфуншиносии шаҳри Душанбе ба таҳқиқи ин лошаҳо пардохтааст.

Сардори Маркази уфуншиносии шаҳри Душанбе Муллоҷон Амирбеков ба хабаргузориҳо гуфтааст, то поёни таҳқиқ гуфта наметавонад, оё ин ҳодиса аввалин аломати зукоми мурғ дар кишвар аст ва ё парандаҳо бо сабаби дигаре ба ин теъдод мурдаанд. Ба гуфтаи ӯ, то ҳол ягон нишонаи ин беморӣ дар Тоҷикистон рӯ назадааст, вале зуҳури он аз эҳтимол дур нест, зеро фасли бозгашти парандаҳои муҳоҷир шурӯъ шудааст. Ва аммо ин давраи шурӯъи вабои парандагон низ ҳаст, гуфтааст раиси Маркази уфуншиносии Тоҷикистон, Муллоҷон Амирбеков.
То ҳоло ангали хатарноки зукоми мурғ -- дар парандаҳо дар Афғонистон, Эрон, Ҳиндустон рӯ зада, нақли он ба ҷисми инсон дар Чин, Туркия ва Озарбойҷон мушоҳида шудаааст.
XS
SM
MD
LG