Пайвандҳои дастрасӣ

logo-print

Боз як бохти "Вахш"


Охирин даври бозиҳои гурӯҳи «В» дар маҷмааи варзишии «Динамо»-и пойтахти Русия баргузор шуд. Ҳамлагари «Металлург» Карлсон дар дақиқаи 61-уми бозӣ ҳисобро кушод. Бозигари «Вахш» Индӯст Ҳусейнов дар дақиқаи 77-ум ҳисобро баробар кард. Вале дар дақиқаи 89-ум ба Карлсон муяссар шуд, ки бори дигар тӯбро ба ҳадаф расонда, бозиро ба нафъи «Металлург» анҷом бидиҳад. Бозии дигари ин гурӯҳ миёни «Оқтеппа»-и Актюбинск ва «Нефтчӣ»-и Боку бо натиҷаи мусовии 1 бар 1 хотима ёфт. «Нефтчӣ» -- қаҳрамони Озарбойҷон дар ҷадвали гурӯҳи «В» бо 7 имтиёз мақоми аввалро касб кард. Металлург» -- қаҳрамони Латвия бо 6 имтиёз дар мақоми дувум қарор гирифт. Ҳарду даста барои ширкат дар давраи дувуми мусобиқот роҳ ёфт. «Оқтеппа» -- қаҳрамони Қазоқистон бо 4 имтиёз дар мақоми севум, «Вахш» -- қаҳрамони Тоҷикистон бидуни имтиёз дар мақоми охирин қарор гирифта, аз ҳуқуқи идомаи мубориза барои дарёфти Ҷоми Иттиҳод маҳрум гаштанд.

Дар гурӯҳи А, CSKA-и Маскав - қаҳрамони Русия бо 9 имтиёз мақоми аввал ва «Пахтакор»-и Тошканд -қаҳрамони Узбакистон бо 6 имтиёз мақоми дуввумро касб карданд. «Шериф»-и Тираспол - қаҳрамони Молдова ва «Шахтёр»-и Донетск - қаҳрамони Украина бо шаш имтиёзӣ дар ҷадвали гурӯҳи С мутаносибан мақоми якуму дуввумро соҳиб шуданд. Дар гурӯҳи D, ФБК «Каунас»-и Каунас - қаҳрамони Литва бо 4 имтиёз дар мақоми аввал ва «Пюник»-и Ереван - қаҳрамони Арманистон бо 3 имтиёз дар мақоми дуввум қарор гирифтанд.

Ба ин тартиб, дар бозиҳои чаҳорякниҳоӣ CSKA бо «Металлург», «Пахтакор» бо «Нефтчӣ», «Шериф» бо «Пюник» ва «Шахтёр» бо ФБК «Каунас» рақобат мекунанд.
XS
SM
MD
LG