Яке аз муҳассилини мактаби деҳаи Панҷшанбеободи ноҳияи Ванҷ бо табари оҳанин ба кӯҳдомани деҳа ҳезумчинӣ рафта, аз он ҷо бо табари сангин баргаштааст. Ин наврас рӯзи дигар табари сангинро бо худ ба мактаб овардааст. Зуҳуриддин Наҷмиддинов сарвари таълимгоҳ гуфт, ки сокинони деҳа ва шогирдони мактаб тайи ду соли гузашта ба осорхонаи мактаб беш аз панҷсад нигора тақдим намуданд, аммо табари сангин яке аз нодиртарин нигораҳои осорхона ба ҳисоб меравад.
Зуҳуриддин Наҷмиддинов қиссаи пайдо кардани ин табарро чунин нақл кард: "Хонандаи синфи ҳаштум Юсуф Ҷорубов ба ҳезумчинӣ меравад ва табарро аз бадани як дарахте меёбад. Ба андешаи ман ин табар аз асри санг боқӣ мондааст."
Пайдо шудани табари сангин дар арчазори кӯҳдомани деҳаи Панҷшанбеободи ноҳияи Ванҷ бостоншиносони Донишгоҳи давлатии шаҳри Хоруғро ба кофтукови археологӣ дар ин мавзеъ водор намудааст. Ба гуфтаи декани факултаи таърихи донишгоҳ тобистони имсол онҳо барои ҳафриёт ба ин мавзеъ хоҳанд рафт.
Зуҳуриддин Наҷмиддинов қиссаи пайдо кардани ин табарро чунин нақл кард: "Хонандаи синфи ҳаштум Юсуф Ҷорубов ба ҳезумчинӣ меравад ва табарро аз бадани як дарахте меёбад. Ба андешаи ман ин табар аз асри санг боқӣ мондааст."
Пайдо шудани табари сангин дар арчазори кӯҳдомани деҳаи Панҷшанбеободи ноҳияи Ванҷ бостоншиносони Донишгоҳи давлатии шаҳри Хоруғро ба кофтукови археологӣ дар ин мавзеъ водор намудааст. Ба гуфтаи декани факултаи таърихи донишгоҳ тобистони имсол онҳо барои ҳафриёт ба ин мавзеъ хоҳанд рафт.