Пайвандҳои дастрасӣ

Кашфи сомониҳои тақаллубӣ дар саррофиҳои Тоҷикистон


Иддае аз соҳибони нуқтаҳои тиҷоратӣ ва саррофии шаҳри Душанбе пулҳои тақаллубии 5 ва 10 сомонӣ кашф кардаанд. Амирхон Раҳимов, корманди як нуқтаи мубодилаи асъори Душанбе гуфт, воқеан ҳам чанд рӯз қабл ҳангоми табдили асъори яке аз муштариён чанд адад панҷ сомонии тақаллубиро ошкор кардааст.
Салмон Ҷамолов, мудири шӯъбаи Бонки миллии Тоҷикистон дар муомилот пайдо шудани пули сомониро таъйид кард ва гуфт, вориди муомилот шудан ва мавриди гардиш қарор гирифтани пулҳои тақаллубӣ бинобар бетафовутии сокинони кишвар нисбат ба пул ҳангоми тиҷорату муомилот аст. Ба гуфтаи оқои Ҷамолов, Бонки Миллии Тоҷикистон аз вориди муомилот шудани пулҳои тақаллубӣ ҳамаи бонкҳои кишварро огаҳ намудааст.
Барот Юсуфӣ, Душанбе

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG