Пайвандҳои дастрасӣ

Идомаи эътирозҳо дар майдони Таҳрири Қоҳира


Дар майдони Таҳрири Қоҳира се шабонарӯз боз садҳо эътирозгарон истеъфои маршал Муҳаммад Ҳусейн Тантавӣ, раиси Шӯрои Олии низомии Мисрро талаб доранд.

Рӯзи шанбе дар ин майдон миёни низомиён ва тазоҳургарон бархурд ба вуқӯъ пайваст, ки дар он дасти кам як нафаркушта ва беш аз 70 нафар маҷрӯҳ шуданд.

Дар ҳамин ҳол имрӯз гурӯҳи низомиёни воломақоми Миср изҳор намуданд, ки барои қатъи намоишҳои эътирозӣ дар кишвар бояд аз нерӯ истифода кард. Ин изҳорот баъд аз он нашр шуд, ки ҳазорон тазоҳургарон дар майдони Таҳрири Қоҳира аз симу техникаи низомии харобшуда сангар сохтанд.

Эътирозгарон ибтидо ба додгоҳ кашидани раисиҷумҳури собиқ Ҳуснӣ Муборак ва атрофиёни ӯро талаб мекарданд ва аммо ҳоло тақозо доранд, ки Шӯрои олии низомӣ пароканда карда шавад. Шӯрои олии низомӣ баъд аз истеъфои Ҳуснӣ Муборак раҳбарии Мисрро бар дӯш гирифтааст.
XS
SM
MD
LG