Пайвандҳои дастрасӣ

НАТО аз иштибоҳаш дар Брега ибрози таассуф кард


Паймони низомии НАТО рӯзи ҷумъа аз талафоти ҷонӣ бар асари ҳамлаи иштибоҳии ҳавопаймоҳои он ба шӯришиёни Либия ибрози таассуф кард, вале барои ин иштибоҳаш маъзарат нахост. Бар асари ҳамла ба як тонки шӯришиён дар наздикии шаҳри нафтии Брега дар рӯзи 7 апрел дасти кам ду шӯришӣ кушта шуданд. Адмирал Рассел Ҳардинг, рӯзи ҷумъа дар ин бора гуфт: "Ман маъзарат намехоҳам. Онгуна ки гуфтам, вазъ дар маҳал бисёр печида буд ва бисёр печида боқӣ мемонад ва то дирӯз мо ҳеҷ иттиъоле надоштем, ки шӯришиён ва ё нерӯҳои мухолифин аз танкҳо истифода мекунанд." Аммо баъди ин Андерс Фог Расмуссен, дабири кулли НАТО бо нашрия баёнияе аз талафоти ҷонӣ дар ин ҳодисаи ба гуфтаи ӯ “бисёр таассуфбор” ибрози тааасуф кард. Ва айни замон шӯришиёни Либия аз тарҳи сулҳи пешниҳодии Туркия истиқбол карданд, ки созиши оташбас ва хуруҷи нерӯҳои вафодор ба Муаммар Қаззофӣ аз шаҳрҳои муҳосирашуда дар ғарби кишварро пешбинӣ мекунад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG