Барак Обама, раиси ҷумҳури Амрико имрӯз эълом кард, ки барои даври дуввуми раёсати ҷумҳурӣ талош хоҳад кард. Обама, маъракаи пешазинтихоботии худ барои соли 2012-ро дар як баёния дар торнамояш эълом кард. Дар номае аз тарафдоронаш хостааст, барои идомаи тағйироте, ки дар даври аввали раёсати ҷумҳуриаш кард, басиҷ шаванд. Қарор аст, асноди лозим барои ширкат дар интихоботро Барак Обама, охири ҳамин ҳафта ба Кумиссиёни Федеролии Интихоботи Амрико пешниҳод кунад.
