Пайвандҳои дастрасӣ

logo-print

Кан: Маълумотро дар ихтиёри мардум қарор додаем


Наото Кан-нахуствазири Ҷопон

Наото Кан-нахуствазири Ҷопон

Гардонандаи ниругоҳи ҳастаии Фукушимаи Ҷопон, ки аз зилзилаву сунамӣ осеб дидааст, эътироф кард, ки зарфи ҳифозатии хатарноктарин сӯхти ҳастаӣ, яъне плутониум дар реактори шумораи 3 мумкин аст осеб дида бошад. Чунин эътирофотро Ҷопон замоне ба забон овард, ки муҳандисон ҳангоми талоши сард кардани реактор олудаи ташаъшуъ ё радиоатсия шуданд ва мизони он 10 000 бор аз мизони маъмулӣ бештар будааст. Наото Кан-нахуствазири Ҷопон рӯзи ҷумъа гуфт:

“Мо хеле зуд маълумотро ба шаҳрвандонамон ва маҳофили байналмиллалӣ ба таври ошкоро боз кардем. Ҳамзамон мо таъсири он ба саломатиро ҳамаҷониба фаҳмондем ва ин корро идома медиҳем”.

Бими он меравад, ки зарфи дорои сӯхти ҳастаӣ ҳангоми зилзилаи 9 дараҷаи ҷадвали Риштер шикастааст ва сипас сунамӣ системаии сардкунандаи реакторро аз кор баровардааст. Системаи сардкунанда дар ҳамаи 6 реактор аз кор мондааст. Тибқи маълумоти расмӣ ҳоло шумораи қурбониёни зилзила ва сунамӣ дар Ҷопон ба 10 000 нафар расидааст. 17 000 нафари дигар бедарак шудаанд.
XS
SM
MD
LG