Имрӯз дар чаҳор зиндони Қирғизистон зиндониён эълон карданд, ки онҳо даст ба гуруснанишинӣ мезананд. Хешовандони зиндониён мегӯянд, ки зиндониён бо чунин тасмими худ мехоҳанд таваҷҷуҳи мақомотро ба шароити бади зиндонҳо ҷалб кунанд. Маҳбусон гуфтаанд, гуруснанишинии онҳо амали ҷавобӣ ба идомаи маъракаи боздоштҳои мақомот аст, ки бар зидди аъмоли ҷиноӣ равона шудааст. Аммо мақомот гуфтаанд, ки онҳо нируи кофӣ дар ихтиёр доранд, то вазъро зери контрол бигиранд.
