Пайвандҳои дастрасӣ

Парвандаи ронандаи "Зил" барои марги 7 нафар дар мазори "Роҳатӣ"


Пойафзор ва тоқии баъзе аз афроди ҳалокшуда ва ё маҷрӯҳро дар тобутхонаи канори гӯристон гузоштаанд.

Пойафзор ва тоқии баъзе аз афроди ҳалокшуда ва ё маҷрӯҳро дар тобутхонаи канори гӯристон гузоштаанд.

Мақомоти умури дохилии Тоҷикистон гуфтанд, ки алайҳи Бахтиёр Маҷидов – ронандаи мошини "Зил" дар шаҳри Ваҳдат – парванда боз шудааст. Умарҷони Эмомалӣ, сухангӯи Вазорати корҳои дохилии Тоҷикистон, рӯзи 15 март ба Радиои Озодӣ гуфт, ин парванда бар асоси қисми сеи моддаи 212-и Кодекси ҷиноӣ, яъне "аз ҷониби шахси идоракунандаи автомобил ё воситаи дигари нақлиёти механикӣ вайрон кардани қоидаҳои ҳаракати роҳ ё истифодаи воситаи нақлиёт, ки аз беэҳтиётӣ боис ба марги ду нафар ё бештар аз он шудааст", боз гардидааст.

Ин банди қонуни ҷиноии Тоҷикистон маҳрумият ба муддати аз 5 то 10 солро дар назар дорад. Умарҷони Эмомалӣ гуфт, ҳанӯз таҳқиқи қазия идома дорад. Аммо ӯ хабари дар ҳабси пешакӣ будани Бахтиёр Маҷидовро рад кард.

Фоҷиа рӯзи 11 март дар тақрибан 20-километрии шаҳри Душанбе дар ҳоле ба вуқӯъ пайваст, ки мардум баъди дафни як пирамарди 78-сола аз шаҳри Ваҳдат ба хона бармегаштанд. Вазорати умури дохилии Тоҷикистон рӯзи 13 март бо нашри як баёнияи расмӣ гуфт, дар натиҷаи фалокат 7 нафар ба ҳалокат расидаанд ва 19 нафари дигар ҷароҳат бардоштаанд. Аксарияти қурбониён ҷавонони то 35-сола аз шаҳрҳои Ваҳдату Душанбе будаанд ва дар байнашон ду бародар аз як хонавода низ ҳаст.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG