Гурӯҳи бостоншиносони Миср ва Олмон пораҳое аз муҷассамаи фиръавн Рамзеси II-ро дар Қоҳира кашф карданд. Ба гуфтаи олимон, аз ин муҷассама қисми сар ва нимаи тан боқӣ мондааст.
Қисматҳои муҷассамаро дар наздикии харобаҳои қасри Рамзеси II, дар шаҳри бостонии Ҳелиопул пайдо карданд, ки ҳоло ба қаламрави Қоҳира дохил мешавад.
Рамзеси II аз соли 1279 то 1213-и пеш аз милод дар Мисри бостонӣ ҳукумат карда буд. Соли 1881 ҷасади мӯмиёшудаи фиръавн дар мақбараи минтақаи бостоншиносии Дайр ал-Баҳрӣ пайдо шуд.
