Пайвандҳои дастрасӣ

Ҳайдар Ҷамол, яке бунёдгузори ҳизби исломӣ дар қаламравии шӯравии собиқ, шаби 4 ба 5 декабр дар Алмаато бар асари беморӣ даргузашт. Дар ин бора дар саҳфаи интернетии марбут ба ӯ, хабар дода шудааст. Маросими ҷанозаи фардо, 6 декабр дар шаҳри Алмаато баргузор мешавад.

Ҳайдар Ҷамол соли 1990 Кумитаи исломии Русияро таъсис дода буд. Ӯ ҳамчунин яке аз муассисони ҳизби наҳзати исломӣ дар саросари Иттиҳоди Шӯравии собиқ буд, ки аз соли 1990 то 1994 фаъолият мекард. Ӯ муаллифи чандин китоб доир ба ислом, аз ҷумла "Озодкунии ислом" ва "Инқилоби паёмбарон" мебошад.

Ҳайдар Ҷамол 6 ноябри соли 1947 дар шаҳри Маскав аз падари озарбойҷонӣ ва модари рус ба дунё омадааст. Дар маҳофили коршиносии Русия аз ӯ ба унвони таҳлилгари умури сиёсӣ, файласуф ва аз мунтақидони сиёсатҳои Кремлин, ном мебаранд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG