Гузоришҳо аз Либия мегӯянд, дар пайи ҷангҳои қабилавӣ, ки дар онҳо як маймун даст доштааст, дастикам 20 нафар кушта ва 50 тани дигар захм бардоштанд. Ҳодиса дар шаҳри ҷанубии Сабҳа ба вуқуъ пайваст.
Ба гуфтаи фаъолон ва кормандони тиб, ҳодиса дар ҳоле сар зад, ки се марди ҷавон маймуни худро ба сӯи як духтари мактабхон шӯр доданд. Маймун ба духтар ҳамла карда ӯро харошида ва газидааст. Оилаи ин духтар дар пайи ниқорҷӯӣ он се мардро бо маймун ба қатл расонд. Баъди ин, дар байни қабилаи Авлоди Сулаймон ва ал-Қадафа ҷанг сар зад, ки рӯзҳо давом кард.
Гузоришҳо мегӯянд, дар ҷангҳо аз силоҳи вазнине мисли танку тӯп ва мушак истифода шудааст. Либия аз замони сарнагун шудани раҳбари собиқаш Муаммар Қаззофӣ дар соли 2011 гирифтори низоъҳост.
