Пайвандҳои дастрасӣ

logo-print

Мирзиёев аз гуфтугӯҳои марзӣ бо Қирғизистон хушбин аст


Иҷрокунандаи вазифаи президенти Ӯзбекистон Шавкат Мирзиёев Сооронбой Жээнбековро ба муносибати сарвазири Қирғизистон таъйин шуданаш табрик гуфта, ҳамзамон аз музокироти ду кишвар дар мавриди таъйин ва аломатгузории марзи давлатӣ изҳори хушҳолӣ кардааст.

"Бовар дорам, ки фаъолияти Шумо дар ин вазифа ба муносибатҳои ду кишвар таъсири мусбат мерасонад. Мехоҳам ёдовар шавам, ки ташрифи ҳайати Қирғизистон ба Андиҷон ва ҳайати Ӯзбекистон ба Ӯш муносибатҳои дуҷонибаро боз ҳам тақвият мебахшанд", - омадааст дар табрикномаи Мирзиёев.

Шуруъ аз моҳи сентябри соли ҷорӣ Ӯзбекистону Қирғизистон дар масъалаи ҳалли баҳсҳои марзӣ талоши бештар ба харҷ медиҳанд.

Масоҳати умумии марзи Ӯзбекистону Қирғизистон 1378 километр аст, ки аз ин ҳисоб 320 км ҳанӯз дақиқ ва аломатгузорӣ нашудааст. Номуайянии марз борҳо боиси ҷанҷоли сокинони наздимарзии ду давлат шудааст.

XS
SM
MD
LG