Пайвандҳои дастрасӣ

Ширкатҳои ҳавопаймоии Тоҷикистону Чин аз андоз озод шуданд


Шералӣ Ганҷалзода, вазири нақлиёти Тоҷикистон.

Шералӣ Ганҷалзода, вазири нақлиёти Тоҷикистон.

Парлумони Тоҷикистон созишномаи байни ҳукумати Тоҷикистон ва Чинро дар заминаи ҳавопаймоии гражданиро ба тасвиб расонид. Шералӣ Ганҷалзода, вазири нақлиёти Тоҷикистон рӯзи чоршанбеи 2 ноябр зимни муаррифии ин тарҳ дар иҷлосияи Маҷлиси Намояндагон гуфт, ки ин созишнома 21 январи соли 2007 дар Пекин ба имзо расида буд, аммо муддати 9 сол ба тасвиб нарасид.

Ҷаноби Ганҷалзода, сабаби ин амрро дар баҳсҳо бар сари андозбандии ширкатҳои ҳавопаймоии граждании Тоҷикистон ва Чин унвон кард ва гуфт, ки билохира ин мавзӯъ ҳал шуд ва ширкатҳои ҳавопаймоии ҳар ду кишвар аз пардохи андоз ва боҷи гумрукӣ озод шудаанд.

Ба гуфтаи ҷаноби Ганҷалзода, ширкатҳо метавонанд дар масълалаи харидорӣ ва интиқоли таҷҳизот, ба хусус ҳавопаймои тамғаи МА-60 аз пардохти андоз ва боҷи гумрукӣ озод бошанд. Миёни Тоҷикистон ва Чин 8 хатисайри ҳавопаймо фаъол аст ва ҳавопаймоҳо аз шаҳрҳои Душанбе ва Хуҷанди Тоҷикистон ба шаҳрҳои Урумҷӣ ва Пекини Чин мусофиронро интиқол медиҳанд.

XS
SM
MD
LG