Пайвандҳои дастрасӣ

Интихоби президенти Молдова ба даври дуюм рафт


Даври дуюми интихоботи президентӣ дар Молдова 13 ноябр баргузор мешавад. Дар ин бора Комиссиюни интихоботии ин кишвар хабар додааст.

Баъди коркарди 99 дар сади баргаҳои раъй маълум шудааст, ки Игор Додон аз Ҳизби сотсиалистҳо бо 48 дар сад ва Мая Санду, аз эътилофи ростгароҳо бо 38 дар сад аз ҳама бештар овоз гирифтанд. Аммо ҳеҷ як аз номзадҳо натавонист аз нисф зиёди овозҳоро, ки интихоботро дар даври аввал баргузоршуда эълон кунад, ба даст оварад, гуфт Юрий Чекан, раиси Камиссиюни интихоботии Молдова.

Дар 20 соли ахир ин аввалин интихоботи мустақими раёсати ҷумҳурӣ дар Молдова аст. Қаблан сарвари давлатро намояндагони мардумӣ интихоб мекарданд. Интихоботи кунунӣ ҳамчун муқовимати ҷонибдорони ҳамоиш бо Аврупо ва онҳое арзёбӣ мешавад, ки хостори наздикшавӣ бо Русия ҳастанд.

Яке аз ваъдаҳои аслии Игор Додон, номзади сотсиалистҳо баргузор кардани реферундум барои берун шудан аз созишномаи ҳамкорӣ бо Иттиҳоди Аврупо ва шомил шудан ба иттиҳоди иқтисодии АвроОсиё буд, ки дар он Русия нақши аслиро мебозад. Рақиби ӯ Мая Санду мавқеи аврпуоӣ дорад.

Бинобар маълумоти Комиссиюни интихоботии Молдова иштироки овоздиҳандаҳо дар интихоботи рӯзи якшанбеи 30 октябр наздик ба 49 дар сад буд ва ин раванд бидуни иштибоҳҳои ҷиддӣ ва шаффоф баргузор шуд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG