Пайвандҳои дастрасӣ

logo-print

Дар Қазоқистон ҷавоне барои воҳимаафканӣ ду сол зиндонӣ шуд


Додгоҳи шаҳри Руднийи Қазоқистон як сокини маҳаллиро барои паҳн кардани хабари бардурӯғ дар бораи амали террористӣ ду сол аз озодӣ маҳрум кардааст.

Ба иттилои додгоҳ, Ерлан Акмурзоеви 23-сола шоми 1 сентябри соли равон дар девори лифти яке аз биноҳои баландошёнаи шаҳри Рудний навиштааст, ки "шоми 5 сентябр ҳалок хоҳед шуд" ва "дар бинои шумо бомба хоҳад таркид".

Дар натиҷа, шоми 4 ба 5 сентябр сокинони бинои мазкур, ки дар хиёбони Ленин ҷойгир аст, кӯчонида шудаанд. Ва танҳо шоми 5 сентябр баъди он ки хабари таркиши бомба тасдиқи худро наёфт, сокинон ба хонаҳояшон баргаштанд.

Бар пояи қарори додгоҳ, Акмурзоев муҳлати ҷазояшро дар зиндони низомаш умумӣ пушти сар хоҳад кард. Ҳамчунин ӯ вазифадор шудааст, то ба кормандони хадамоти давлатӣ, ки он шаб барои таҳқиқи хабари бомба ба макони ҳодиса рафтанд, ҷуброни зарари моддӣ дар ҳаҷми наздики се миллион танга (ҳудуди 9 ҳазор доллари ИМА) пардохт кунад.

Дар рафти таҳқиқи пешаздодгоҳӣ миёни додситон ва маҳкумшуда созишномаи иқрори гуноҳ имзо шудааст.

XS
SM
MD
LG