Мақомоти Вазорати корҳои хориҷии Амрико мегӯянд, ки музокирот барои хотима додан ба ҷанги панҷсолаи Сурия дар Лозаннаи Швейтсария оғоз шудааст. Ин музокирот, ки талоши дубора барои ёфтани роҳи ҳалли дипломатии бӯҳрони Сурия аст, бо иштироки вазирони корҳои хориҷии Амрико, Русия, Эрон, Урдун Туркия, Миср, Қатар Ироқ ва Арабистони Саудӣ баргузор мешавад. Пеш аз оғози музокироти расмӣ вазирони хориҷии Амрико ва Русия ва вазирони хориҷии Русияву Эрон бо ҳам дидору гуфтугӯ карданд.
