Пайвандҳои дастрасӣ

Павел Климкин, вазири корҳои хориҷии Украина, рӯзи якшанбе гуфтааст, ки кишвараш масъалаи хориҷ шудан аз ҳайати Иттиҳоди Давлатҳои Мустақилро баррасӣ дорад. Климкин ҳангоми суҳбат бо телевизиони "112-Украина" қайд кардааст, ки "равобити иқтисодии Киеву Маскав дар ояндаи наздик ба сатҳе, ки то оғози нооромиҳои Донбасс буд, бар нахоҳад гашт".

Ба гуфтаи вай, табодули мол миёни Украина ва Русия то оғози даргириҳо 37%-ро ташкил дода, ҳоло он то ба 5% поин рафтааст. Киев ҳанӯз соли 2014 гуфта буд, ки қасди хориҷ шудан аз ҳайати ИДМ-ро дорад. Вале Вазорати корҳои хориҷии Украина баъдан гуфт, кишвараш тасмим гирифтааст, ки ҳадди поини иштирок дар иттиҳодро нигоҳ дорад, зеро робитаҳои иқтисодиро намешавад якбора ба ҳам зад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG