Пайвандҳои дастрасӣ

Хатмкунандагони қазоқ ҳамроҳ бо Номаи камол шаҳодатномаи ронандагӣ мегиранд


Сар аз соли 2017 ба хонандагони мактабҳои миёнаи Қазоқистон дар дарсҳои тайёрии ҳарбӣ ронандагиро низ меомӯзанд.

Ба иттилои расонаҳои маҳаллӣ, Ерлан Сагадиев, вазири маориф ва илми Қазоқистон гуфтааст, "ҳолатҳои ҷароҳат бардоштани кӯдакон дар натиҷаи садамаҳои нақлиётӣ коҳиш намеёбад. Аз ин рӯ, дар дарсҳои тайёрии ҳарбии мактабиён омӯзиши қоидаҳои ҳаракат дар роҳро низ ҷорӣ ва ба хатмкунандагон шаҳодатномаи ронандагӣ дода мешавад".

Ба гуфтаи вай, ниҳоди зери раҳбарияш дар ин бора бо Вазорати мудофиаи Қазоқистон ба созиш расида, курси ронандагӣ дар мактабҳо аз соли 2017 роҳандозӣ хоҳад шуд.

Таҷрибаи додани ҳуҷҷати ронандагӣ ҳамроҳ бо шаҳодатномаи хатми мактаб дар як қатор кишварҳо дида мешавад.

XS
SM
MD
LG