Пайвандҳои дастрасӣ

logo-print

Шавҳари собиқ дар куштори занаш муттаҳам шуд


Мухтор Қасам- шавҳари Самиа Шаҳид

Мухтор Қасам- шавҳари Самиа Шаҳид

Пулиси Покистон шавҳар ва падари як зани покистонӣ-бритониёиро дар марги ӯ муттаҳам кард. Пулис мегӯяд, ки ин зан эҳтимол қурбонии "куштори номусӣ" шудааст. Изҳорот рӯзи 3 сентябр аз ҷониби пулиси минтақавии вилояти Панҷоб пахш шуд. Самиа Шаҳиди 28-сола моҳи июли соли равон дар Панҷоб дар ҳоле кушта шуд, ки ба дидорбинӣ бо хешонаш омада буд. Пулис мегӯяд, марги ӯ дар пайи бастани роҳи нафас фаро расид. Мухтор Қасам, шавҳари ин зан, гуфт, ҳамсараш барои он кушта шуд, ки бидуни иҷозаи хонаводааш бо ӯ издивоҷ кард. Шавҳари пешини ин зан бо гумони куштор ва падараш бо иттиҳоми ҳамдастӣ дар ин амал боздошт шудаанд. Садҳо зани покистонӣ ҳамасола бо иттиҳоми нақзи меъёрҳои ҷомеаи муҳофизакори Покистон аз ҷониби хешони онҳо кушта мешаванд.

XS
SM
MD
LG