Пайвандҳои дастрасӣ

logo-print

Ҳамсари Саидқозӣ Матаев нигарони саломатии шавҳараш аст


 Саидқозӣ Матаев

Саидқозӣ Матаев

Ҳамсари раиси Иттифоқи журналистони Қазоқистон Саидқозӣ Матаев, ки дар дуздии маблағҳои буҷа ва саркашӣ аз пардохти андоз айбдор мешавад, аз додситони кулли Қазоқистон хост, ба марги шавҳари вай роҳ надиҳад. Дар муроҷиати интернетие Баён Рамазонова, ҳамсари Саидқозӣ Матаев мегӯяд, нигарони вазъи саломатии шавҳараш аст.

"Ҳамаи таҳқиқу муҳокимаи додгоҳӣ бар асоси айбномаи дурӯғин нисбат ба шавҳари ман маро ба ин фикр меорад, ки ҳадафи аслии ин амалҳо ба марг расонидани Саидқозӣ аст", - мегӯяд Рамазонова. Ба гуфтаи вай, айбнома ва туҳматномаҳо Саидқозӣ Матаевро ба беморӣ гирифтор кардаанд.

Саидқозӣ Матаев 24-уми феврали соли равон бо гумони аз худ кардани пули буҷаи давлат ва саркашӣ аз пардохти андоз ба ҳабси хонагӣ маҳкум шуд. 28-уми март писараш Асет Матаев, мудири кулли хабаргузории КазТАГ низ ба ҳабси хонагӣ гирифта шуд. Падару писар тамоми айбҳоро рад мекунанд. Моҳи май айбномаи раиси ИЖҚ-ро ба моддаи сабуктар тағйир доданд. Дар робита ба парвандаи писараш низ ин гуна тасмим гирифта шудааст.

XS
SM
MD
LG