Пайвандҳои дастрасӣ

logo-print

Бозиҳои олимпии Рио ба поён расид


Маросими поёни бозиҳои тобистонаи олимпӣ

Маросими поёни бозиҳои тобистонаи олимпӣ

Бозиҳои олимпии тобистона дар шаҳри Рио де Жанейро дар Бразилия бо як маросими карнавалмонанди бошукӯҳ ва рангоранг дар майдони Маракана ба поён расид. Томас Бах, раиси Кумитаи олимпӣ, хотимаи ёфтани бозиҳоро расман эълон кард, ки дар ҷараёни он 11 300 варзишгар аз 206 кишвар ва як гурӯҳи паноҳҷӯён ширкат доштанд. Томас Бах гуфт, “Бозиҳои олимпии шигифатнгез дар шаҳри шигифтангез баргузор шуд. “ Баъди ин гулхани бозиҳо хомӯш шуд ва раиси шаҳри Токио Юрико Коике, парчамро аз дасти раиси Кумитаи байналмилалии олимпӣ гирифт, ки маъниаш омодагӣ ба бозиҳои оянда дар соли 2020 дар Ҷопон аст. Бозиҳои олимпӣ ҳарчанд бе ҷанҷолҳои бузурге сипарӣ шуд, вале нигарониҳои амниятӣ ва допинги варзишгарони Русия онро олуда кард. Дар бозиҳои тобистонаи олимпӣ Амрико аз ҳама бештар медал ба даст овард, Бритониё дар ҷойи дуввум, Чин дар мақоми саввум ва Русия дар мақоми чаҳорум қарор гирифт.

XS
SM
MD
LG