Аз 1 август кормандони ниҳодҳои интизомӣ ва қудратии Тоҷикистон дар ҳолати омодабош қарор гирифта ва фаъолияти нимаказармавӣ мекунанд. Манобеи қудратии Тоҷикистон бо тасдиқи ин хабар гуфтанд, ки ин амр дар иртибот ба таҷлили 25-умин солгарди истиқлоли кишвар рӯи даст гирифта шудааст. Ин манобеъ мегӯянд, "аз 20 август то 15 сентябр тамоми кормандони ҳифзи ҳуқуқ ва сохторҳои қудратии Тоҷикистон ба ҳолати пурраи омодабош дароварда мешаванд". Ин иқдом дар ҳама шаҳру ноҳияҳо ва ҳатто марзҳои Тоҷикистон низ рӯи даст гирифта мешавад.
