Дар натиҷаи бархурди автобуси мусофирбар бо мошини боркаш дар роҳи Екатеринбург-Алмаато дар вилояти Кустанайи Қазоқистон 37 нафар осеб дидаанд. Шаш нафар ба ҳалокат расидаанд.
Бино ба хабарҳои матбуотӣ, дар миёни осебдидагон як нафар шаҳрванди Тоҷикистон низ ҳаст. 13 нафар шаҳрвандони Русия осеб дидаанд ва аз шаш нафари ба ҳалокатрасида 2 нафар шаҳрванди Русия ва 3 нафар шаҳрванди Қазоқистон будаанд. Шахсияти як кушташудаи дигар маълум нашудааст.
Се нафари дигар дар бахши эҳёгарии бемористони ноҳияи Қарабалиқ бистарӣ мебошанд.
Дар автобус 44 мусофир ва ду ронанда нишаста будаанд. Ин ҳодиса рӯзи чаҳоршанбе рух додааст. Ба сабабҳои ин ҳодисаи нақлиётӣ расидагӣ сурат мегирад.
