Бино ба гузоришҳо, бар асари таркиши бомб дар маркази Истамбул – бузургтарин шаҳри Туркия – чанд нафар захмӣ шудаанд. Телевизиони даавлатӣ гуфт, таркиши субҳи 7 июн дар наздикии Донишгоҳи Истамбул автобуси пулисро ба ҳадаф дошт. Хабаргузории хусусии Доган хабар дод, ки дастикам 5 нафар дар ин инфиҷор ҷароҳат бардоштаанд. Ҳанӯз касе масъулияти ин ҳамларо бар дӯш нагирифтааст. Вале дар анҷоми чанд ҳамлаи қаблӣ дар Туркия чирикиҳои ҳизби коргарии Курдистон ва ҷангҷӯёни “Давлати исломӣ” айбдор шуданд.
