Пайвандҳои дастрасӣ

logo-print

Трамп пешбарии номзадиашро ба президентии ИМА таъмин кард


Доналд Трампи миллардер раъйи кофии ҳайати анҷумани қарибулвуқуи Ҳизби ҷумҳурихоҳони ИМА-ро барои пешбарии номзадиаш ба мақоми президентии Иёлоти Мутаҳҳида соҳиб шуд.

Трамп пас аз он ба чунин имконият даст ёфт, ки гурӯҳи "калаванда"-и вакилони ҷумҳурихоҳ, ки то ҳол аз ҳеч номзаде ҳимоят намекард, тарафдори ӯ шуд.

Ба ин тартиб, шумори вакилони тарафдори Трамп дар анҷумани ҳизбӣ аз 1237 раъйи лозим гузашт.

Эҳтимоли номзадии Трамп аз ҳизби ҷумҳурихоҳон дар ибтидои моҳи май, замоне рӯшан шуд, ки рақибони вай аз мубориза даст кашиданд.

Тибқи назарсанҷиҳои охир, маъруфияти Доналд Трамп миёни интихобкунандагон афзуда, нуфузи ӯ тақрибан бо нуфузи рақибаш аз ҳизби демократӣ Ҳиллари Клинтон баробар шудааст.

Анҷумани Ҳизби ҷумҳурихоҳ охири моҳи июл дар Кливленд баргузор хоҳад шуд. Интихоботи президентии ИМА 8 ноябр доир мегардад.

XS
SM
MD
LG