Пайвандҳои дастрасӣ

Манобеи Радиои Озодӣ дар Маскав мегӯянд, ки дар пушти занозании хунини рӯзи 14 май дар қабристони Хованскоеи Маскав, ки мунҷар ба ҳалокати се тоҷик ва ҷароҳат бардоштани 26 тани дигар шуд, ду гурӯҳи зодагони Тоҷикистон истодаанд. Ба гуфтаи дастикам ду манбаи огоҳ аз ҷараёни ҳодисот, як гурӯҳи тоҷикҳо то занозании дирӯза чанд бор ба қабристони Хованское омада, аз мардикорони тоҷик “ҳақ” талаб кардаанд.

Яке аз кормандони ин қабристон рӯзи 15 май ба Озодӣ гуфт, баъде ки талаби ин муштзӯрҳо рад шуд, онҳо барои тасфияҳисоб чеченҳову доғистониҳоро ба ин моҷаро кашиданд.

Дар Хованское, бинои ба гуфтаи манобеи Озодӣ, ҳудуди 200 зодаи Тоҷикистон кор мекунанд.

Паҳлавони маъруфи тоҷик Расул Боқиев рӯзи 15 май дар сӯҳбат бо Озодӣ шогирдони мактаби гуштии ӯ будани муштзӯрҳои дахил дар занозанӣ дар Хованскоеро рад кард.

Сӯҳбати Расул Боқиевро инҷо бишнавед:

Расул Боқиев: Ман ҳеҷ гоҳ ба сари тоҷики худам “одам” намебарам

XS
SM
MD
LG