Пайвандҳои дастрасӣ

logo-print

Фармондеҳи Ҳизбуллоҳ дар Сурия кушта шуд


Мустафо Бадриддин

Мустафо Бадриддин

Ҳизбуллоҳ аз кушта шудани як фармондеҳи аршади ин гурӯҳи ҷангии шиъаҳои Лубнон дар Сурия хабар дод. Ҳизбуллоҳ рӯзи 14 май дар баёнияаш гуфт, Мустафо Бадриддин рӯзи 13 май дар наздикии фурудгоҳи Димишқ, пойтахти Сурия кушта шудааст. Таҳқиқоти Ҳизбуллоҳ нишон додааст, ки Мустафо Бадриддин дар натиҷаи тӯпборони “гурӯҳҳои такфирӣ” ҷон бохтааст. Ҳизбуллоҳ маъмулан гурӯҳҳои тундрави суннӣ, ба мисли “Давлати исломӣ” ва Ал-Қоидаро “такфирӣ” ном мебарад. Телевизиони Ал-Майодин, марказаш дар Бейрут, ки ба Ҳизбуллоҳ наздик аст, гуфт, Мустафо Бадриддин бар асари ҳамлаи ҳавоии Исроил кушта шудааст. Баъди ҳанӯз дар соли 2008 бар асари як бомбгузорӣ дар Димишқ кушта шудани Имод Муғния, раҳбари қаноти низомии Ҳизбуллоҳ, ҳалокати Бадриддин бузургтарин талафот барои ин гурӯҳи ҷангист.

XS
SM
MD
LG