Пайвандҳои дастрасӣ

logo-print

Тибқи иттилои мақомоти Иёлоти Муттаҳидаи Амрико, фармондеҳи гуруҳи террористии "Давлати исломӣ" (ДИ) дар вилояти Анбори Ироқ дар натиҷаи зарбаҳои ҳавоии эътилоф кушта шудааст.

Тавре сухангӯи Пентагон Питер Кук хабар дод, Абӯ Воҳиб ва се тани дигар дар натиҷаи бомбаборон шудани мошинашон ба ҳалокат расидаанд. Ба гуфтаи Кук, Воҳиб қаблан узви "ал-Қоида" буда, ахиран дар навори эъдомҳои ДИ зоҳир мегардид.

Қаблан гуфта мешуд, ки ӯ ҳадафи ҳамлаҳои ҳавоӣ қарор гирифтааст, аммо тасдиқи ахири Пентагон нахустин шарҳи расмӣ аз ҷониби низомиён аст. Эътилофи хориҷиён таҳти раҳбарии ИМА аз соли 2014 ба ин сӯ, замоне, ки минтақаҳои васеи Ироқ ва Сурия аз ҷониби гуруҳҳои террористӣ ғасб шуд, зидди ДИ ҳамлаҳои ҳавоӣ анҷом медиҳад.

XS
SM
MD
LG