Пайвандҳои дастрасӣ

ВКХ: Вазири хориҷаи Олмон бо Раҳмон мулоқот мекунад


Рӯзи 1 апрел вазири корҳои хориҷии Олмон ва раҳбари давраии Созмони Амният ва Ҳамкорӣ дар Аврупо Френк-Валтер Штайнмайер бо як сафари расмӣ аз Душанбе дидан мекунад. Дар раёсати иттилоот ва таҳлили Вазорати корҳои хориҷии Тоҷикистон ба радиои Озодӣ хабар доданд, ки дар ҷараёни ин сафар раҳбари сиёсати хориҷии Олмон бо вазири хориҷа Сироҷиддин Аслов ва раиси ҷумҳурии Тоҷикистон дидору мулоқот хоҳад кард. Мавзӯи музокираҳо – баррасии ҳамкориҳо ва дурнамои равобити Тоҷикистону Олмон мебошад. Дар ин ниҳод гуфтанд, ки тафсилоти бештари ин мулоқот рӯзи душанбе, 28 март мушаххас хоҳад шуд. Феълан маълум аст, ки мӯҳлати сафари ин мақоми олмонӣ ба Душанбе танҳо як рӯзро ташкил хоҳад дод.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG