Пайвандҳои дастрасӣ

logo-print

Бино бар иттилои намояндагони Пентагон, яке аз фармондеҳони аршади гуруҳи тундгарои "Давлати исломӣ" (ДИ), ки бо лақаби Умар Чеченӣ машҳур буд, аз захмҳое, ки дар пайи зарбаҳои ҳавоии амрикоӣ бардошт, фавтидааст.

Зодаи Гурҷистон Умар Шишонии чечентабор рӯзи 4 март аз зарбаҳои ҳавоие, ки дар шимолу шарқи Сурия анҷом шуд, захм бардошт. Ӯро дар яке аз бемористонҳои шаҳри Раққа бистарӣ карданд.

"Мо бар ин назарем, ки вай аз захмҳои бардоштааш фавтидааст", - гуфтааст Ҷефф Дэвис, сухангӯи Пентагон ба хабаргузории France-Presse. Созмони Syrian Observatory for Human Rights рӯзи 13 март ба France-Presse хабар додааст, ки Шишонӣ давоми чанд рӯз дар "марги клиникӣ" қарор дошт ва тавассути дастгоҳ нафаси сунъӣ мегирифт.

Тархан Батирашвилӣ, ки бо лақаби Шишонӣ бештар маъруф аст, пештар дар сафи нерӯҳои низомии Гурҷистон хизмат мекард. Вай дар соли 2012 ба ДИ пайваст ва аз фармондеҳои бомаҳорати ин гуруҳ ба шумор мерафт. Шишонӣ дар рӯйхати афроде, ки аз сӯи ИМА ҷустуҷӯ мешаванд, дар шумори аввалинҳо буд. Барои сари вай 5 миллион доллар ҷоиза эълон шуда буд.

XS
SM
MD
LG