Пайвандҳои дастрасӣ

logo-print

"Чаҳоргонаи нормандӣ" сари интихоботи Донбасс ба созиш нарасид


Вазирони корҳои хориҷии Украина, Олмон, Русия ва Фаронса дар масъалаи калидии дидор - баргузории интихобот дар минтақаҳои ҷудогонаи Донбасс натавонистанд тавофуқ кунанд.

Олмон ва Фаронса пешниҳод карданд, ки интихобот дар нимаи аввали соли 2016 баргузор шавад. Ба гуфтаи раҳбари ВКХ Русия Сергей Лавров, ин кишвар омода буд аз ин пешниҳод ҳимоят кунад, аммо Киев хоҳиш кард, ки дар ин масъала пофишорӣ накунанд.

Раҳбари ВКХ Олмон Франк-Валтер Штайнмайер ин дидори баргузоршударо хеле душвор унвон карда, афзуд, ки ширкаткунандаҳо наметавонанд, на аз натиҷаҳои дидор ва на аз вазъият дар Донбасс қаноатманд бошанд. Ба гуфтаи Штайнмайер, муқаррароти оташбас ба хусус дар минтақаи тамоси миёни ҷудоихоҳон ва артиши украинӣ ҳамчунон вайрон карда мешавад. Дар чунин шароит пойбандии рамзӣ ба тавофуқоти Минск аллакай нокофист, зикр кард вазири корҳои хориҷии Олмон.

Киев ва кишварҳои ғарбӣ Москваро дар ҳимояти ҷудоихоҳон дар шарқи Украина айбдор мекунанд. Онҳо иддао доранд, Русия ба он ҷо низомиён ва аслиҳа мефиристад ва ба ин тартиб тавофуқоти Минскро вайрон мекунад. Аммо Русия ин иттиҳомро рад мекунад.

Украина бошад натавонист дар иҷрои вазифаҳои тибқи тавофуқоти Минск ба худ гирифтааш ба пешрафтҳое ноил шавад. Аз ҷумла, дар мавриди анҷоми ислоҳот ва ғайримарказонидани қудрат дастовардҳое дида намешаванд.

XS
SM
MD
LG