Пайвандҳои дастрасӣ

Раиси маркази маъмурии вилояти Закарпатияи Украина Геннадий Москал бо имзои як қарор дар доираи қонуни украинӣ "Дар бораи маҳкумияти режими миллӣ-сотсиалистӣ (миллатгароёна)-и тоталитарии Украина ва манъи рамзҳои он" номи чанде аз кӯчаҳоро иваз кард.

Тавре сомонаи хусусии Москал менависад, дар қатори ин кӯчаҳо кӯчаи Ленин дар деҳаи Калини ноҳияи Тячевски вилояти Закарпатия низ ҳаст. Аз ин ба баъд ин кӯча Ҷон Леннон - яке аз аъзои гуруҳи маҳшури "Битлз" номида хоҳад шуд.

Пештар дар шаҳри Изюм дар шарқи Украина, дар вилояти Харков бар асоси қонун "Дар бораи декоммунизатсия" майдони Ленин ба ифтихори Ҷон Леннон табдили ном карда буд.

Дар доираи қонун "Дар бораи декоммунизатсия" дар Украина бояд бештар аз 900 маҳалли истиқоматӣ ва ҳазорон кӯча, майдон, гулгашт ва хиёбонҳо табдили ном кунанд. Тавре нашрияи "Украинская правда" менависад, ба ин рӯйхат ҷойномҳое, ки номи роҳбарони ҳизби коммунистии пешинро гирифта буданд, низ дохил шудааст.

XS
SM
MD
LG