Пайвандҳои дастрасӣ

Зиндагии ширини фарзандони мансабдорони қирғиз


Писари муовини раиси гумруки Қирғизистон Раимбек Матраимов дар назди ҳавзе дар меҳмонхонае дар Сингапур бо соати швейтсарии навъи Hublot аккосӣ шудааст. Иҷораи утоқи арзонтарин дар ин меҳмонхона барои як ша 600 доллар аст. Дар аксҳои дигар ин мактаббача дар мактабҳои гаронарзиши футболи Бритониё ва Дубай аккосӣ шудааст. Фарзандони мақомоти қирғиз аз намоиш додани сарвати худ шарм намедоранд. Аммо худи Раимбек Матраимов, ки бо лақаби бисёрмаънои “Раим-миллион” шӯҳрат дорад, дастраси умум нест ва аз хабарнигорон дурӣ меҷӯяд. Фарзандони дигари мақомоти гумрук дар инстаграм низ ситора шудаанд. Духтари муовини гумруки роҳи оҳани “Северная” Қодир Кенешов 16 ҳазор муштурӣ дорад. Дар аксҳо вай дар либосҳои Долче ва Габанна ва мошинҳои Мерседесу БМВ-ҳои дорои садои мамнуъшудаи сигнол аккосӣ шудааст. Шабакҳои иҷтимоӣ ҳамчунин ба фарзандони мақомоти милисаи Қирғизистон таваҷҷӯҳ доранд. Писар ва духтари муовини вазири корҳои дохилӣ Курсан Асанов, ки донишҷӯи донишгоҳи Массачусетс мебошанд, худ мегӯянд, ки барои таҳсил дар Бостон онҳо маҷбуранд ҳар моҳ 50 ҳазор доллар пардохт кунанд. Аз ин маблағ танҳо барои таҳсил 30 ҳазор доллар сарф мешавад. Маълум аст, ки маоши генералии Асанов барои чунин харҷ аслан намерасад. Ҳомиёни ҳуқуқи инсони Қирғизистон таъкид мекунанд, ки агар идораи кадрҳои ВКД ва Додситонии Қирғизистон мустақил мебуданд, бо дидани ин аксҳо бояд таҳқиқ мекарданд, ки ҷавонони “тиллоии” қирғиз аз кадом маблағ чунин кайфу сафо доранд.

XS
SM
MD
LG