Пайвандҳои дастрасӣ

logo-print

Таъини Сарвар Бахтӣ ба ҷои Муҳаммади Эгамзод


Муҳаммади Эгамзод

Муҳаммади Эгамзод

Сарвар Бахтӣ – сардори шӯъбаи Комиссияи миллӣ оид ба корҳои ЮНЕСКО раҳбари хадамоти матбуоти сафорати Тоҷикистон дар Русия таъин шуда, дар ин мақом Муҳаммади Эгамзодро иваз кардааст. Дар ин бора ба Озодӣ рӯзи 1 феврал аз Вазорати корҳои хориҷии Тоҷикистон хабар доданд. Манбаъ гуфт, ки Эгамзод дар риштаи дипломатӣ ба кораш идома хоҳад дод, аммо ҳоло мақоми наваш эълон нашудааст.

Ӯ аз аввали соли 2000-ум дар сафорати Тоҷикистон дар Маскав кор мекард. Муҳаммади Эгамзоди 47-сола зодаи шаҳри Исфара буда, Академияи дипломатии Вазорати корҳои хорҷии Русияро хатм кардааст. Раҳбарии ширкати ҳолдингии “Таҷинфо”-ро низ бар дӯш дошта, аз соли 2002 боз дар Маскав нашрияи "Тоҷикони Россия"-ро ба чоп мерасонад.

Сарвар Бахтӣ, раҳбари нави хадамоти матбуоти сафорати Тоҷикистон дар Русия дар гузашта дар раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷӣ кор кардааст.

XS
SM
MD
LG