Пайвандҳои дастрасӣ

Хабари нав

Эрон мушакандозӣ дар халиҷи Форсро рад кард


Акс аз бойгонӣ
Акс аз бойгонӣ

Эрон гузоришҳо дар бораи мушакандозии Сипоҳи посдорони инқилоби исломии Эрон дар наздикии киштии ҳавопаймобар ва дигар киштиҳои ҷангии Амрико ҳангоми фуруди онҳо дар халиҷи Форс дар рӯзи 26 декабрро рад кард. Сухангӯи Сипоҳ Рамазон Шариф рӯзи 31 декабр гузориши Амрико дар бораи мушакандозиро “ҷанги равонӣ” номид ва гуфт, “нирӯҳои дарёии Сипоҳ дар тӯли ҳафтаи гузашта ва даврае, ки амрикоиҳо иддао доранд, дар гулӯгоҳи Ҳурмуз ягон навъ машқ доир накардааст.”

Шабакаи телевизиони амрикоии NBC News қаблан аз қавли мақомҳои низомии Амрико хабар дод, ки Сипоҳи посдорони инқилоби исломии Эрон дар халиҷи Форс машқҳои ҷангӣ бо тирандозӣ доир кардааст ва киштии ҳавопаймобари Амрико дар фосилаи ҳудуди 1500 метр аз хатти парвози мушаки Сипоҳ қарор доштааст.

XS
SM
MD
LG